West Bengal Purulia district ah BJP worker pakhat ruang hmuh leh a ni

West Bengal Purulia district ah BJP worker pakhat ruang thingzara inkhai hmuh anih a\anga a ni thumna ah he district chhunga mi tho Dabha khuaah BJP workar pakhat chu electric ban liana inkhai hmuh leh a ni a, he mitthi Dulal Kumar hi an party worker a ni tih BJP chuan an sawi. Mitthi chhungte chuan Dulal Kumar hi amah intihlum ni lovin Trinamool party worker te thah ngei niin an sawi. Chief Minister Mamata Banerjee chuan Criminal Investigation Department CID te chu Dulal Kumar leh Trilochan Mahato te thih dan chhui turin thu a pe nghal a ni. Heng mitthi pahnihte hi khaw hrana cheng nimahse Police Station khat huam chhunga mi ve ve an ni a, BJP chuan zanin hian Kolkata ah sathau khawnvar chhiin kawng an zawh dawn a ni. BJP hruaitu Rahul Sinha chuan Dulal Kumar hi BJP lam \ang satliah ni lovin hun puma party tana beitu leh panchayat member ni lai a ni tih a sawi a. Party mi leh sa te hian Police ten a ruang an lak thlak hi hun engemawchen an phal lo a, Deputy Superintendent of police Atul Chatterjee-a motor pawh mipui thinrimin an tih chhiat sak nual a, darkar engemawzat chhung chu Balrampur leh Baghmundi inkar kawngpui an dang bawk.