Winter Olympics kharna inkhawma North Korea palai tur, Kim Yong Chol-a duh lo tute vawiin khan an pungkhawm. Thuneitute chuan pungkhawm zinga a tam zawk chu kum 2010-a South Korea indo lawnga chuang, sipai thi ta 47 chhungte niin an sawi a, kha indo lawng beihna-ah khan Kim Yong Chol hi mawhphurtu bera an ngaih avangin a lo zin tur hi an lawm lo hle tih an sawi bawk a ni. Kim Yong Chol hi South Korea huatna thehdarh thintute zing ami a ni a, pungkhawmte hian lawng beih chungchangah North Korea hian ngaihdam a dil an phut bakah, Yong Chol tihhlum an phut thu te an au pui a ni.
South Korea sorkar eptu pawl hruaitu, Liberty Korea Party pawhin Kim Yong Chol-a zin tur hi tha lo an ti a, an party hruaitu, Joon-Pyo chuan Yong Chol chu Hitler-a ang maia nunrawng leh tawrawt a nih avangin an rama luh tir an phal lo niin a sawi a, Kim Yong Chol-a South Korea zin tur hi an duh lohna Thawhtanniah lian tham taka lan tir an tum thu a sawi bawk a ni.
