WHO Director-general Tedros Adhanom Ghebreyesus chuan Pathianni khan darkar 24 chhungin khawvel pumpuiah hri kai thar mi nuai 1, sing 3, sang 6 an awm tih a sawi a, nikhat thil thu a khawvel puma hri kai hnem ber tum a ni a, inthlahdahna hun a nih loh avangin eng ram mah hrileng doletna kawngah inthlahdul mai lo turin a chah a ni.
Hri kai hmuhchhuah thar tam zawk hi America leh South Asia a chengte an ni a, tunah hian khawvel pumah coronavirus kai mi maktaduai 7 an tling tawh a, mi nuai 4 chuangin an thihpui tawh a ni.
Hetihlai hian khawvel a coronavirus darh nasat berna ram USA a coronavirus bukhuarna New York khawpui chu thla thum dawn inkharkhip an neih hnuah an inthlahdul tan mek a, New York a cheng mi nuai 4 te chu an hna thawh phalsak an ni leh tawh a ni, mi sing 2, sang 1 velin hri hi an thihpui tawh a, USA, UK leh Brazil te chu khawvel pumah hri thihpui tam berna ram pathum an ni.
