Zoram Peoples Movement-in Chief Minister tura a hual Pu Lalduhawma chuan Mizoramin tha thara mipute rawngbawltu tur a mamawh niin a sawi.
Vawiina Champhai Ruantlanga an Party mite puala Political Training neihah thu sawiin Pu Lalduhawma chuan Mizoram hian enkawltu thar a mamawh tawh niin a sawia, tuna rorelna chelhtu Congress chu kumin kum tawp lama Mizoram Assembly inthlanpui neih leh turah sum semin a in awinung zo dawn tawhlo nia sawiin, tunlai hian kum 10 ro lo rel tawh MNF leh ZPM chu mipuite’n an khai khin mek tih sawiin, kum 10 chhunga MNF rorel dan leh an hun chhunga boruak ralmuan loh dante thlir kirin, mipuite hian chulrih an duh leh duhloh an ngaihtuah meka, ram thar bawh turin thutlukna an siam mek niin a sawi a ni. He inkhawma thusawitu dang, ZPM hruaitu senior, Pu Vanlalhlana pawhin tunah hian Mizoram mipui ten ram tana \ha leh ram hruaitu lu ber atana \ha mipui ten an hre tawh tih sawiin an mamawh ber chu kalphung thar \ha zawk hmanga mipuite hruai thei niin a sawia, ZPM hruaitute chu ram leh hnam vei vanga an eizawnna hna thawh kalsana, inpezo taka hna thawk niin a sawia, an hmathar lakna chuan awmzia a neih tak avangin rorellai pawl Congress leh Opposition MNF-te chuan ZNP chu nasa taka beih rawnin |angrual Pawl chu hruaitu turah an buai dawn niin an sawia,tunah hian an buailo tih a lang chhuak ta niin a sawi a ni. He inkhawma thusawitu dang, ZPM General Secretary Pu K Sapdanga chuan an Party thuvawn chu “I ram, i hnam leh i sakhaw humhim nan hmasawnna hna thawk rawh ” tih a ni tih sawiin, ZPM in sorkar siam \ul an tihna chhan chu sakhua leh zonunmawi humhim \ul a tih vang niin a sawia, he tih lai hian BJP chuan in inthlanna a MP neih \euha, sakhaw dang leh culture dang nuaibo an tum niin a sawia, MP tam tak neisa State te aia Mizoram an enghelh zawk nachhan chu Kristianna humhalhtu leh thehdarhtu a nih vang niin a a hriat thu a sawi a ni.
Nizan khan Pu Lalduhawma chuan Zokhawthar tlawhin Vantlang inkhawmah thu a sawia, ZPM hi rorel theia thlantlin a nih chuan Mizoram chu kum 5 chhungin kawphethaah intodelh tir an tum dawn thute, \halai hnathawh tur duh,bul \anna neilote puih nan Development Bank siamin sorkar chu quarantor-ah a \ang anga, an sum mamawh puk tur a pe chhuak dawn niin a sawia, Zokhawthar chu ramria khaw pawimawh, Zoram kawtchhuah a nih avangin Civil SDO leh PHC dah tum tum niin a sawi a ni. He inkhawmah hian ZPM thu puangtu, Pu Vanlalhlana pawhin thu sawiin, MPC leh ZNP te chu an lo thawhho tawh \hin thu leh Pu Lalduhawma chu an hruaitu atana Brig.T Sailo pawm thlaptu niin a sawi a ni.
