Serchhip biala a din tur thu hi vawiin khan Serchhipa thuthar thehdarhtute hmaah Rev Dr Zaichhawna Hlawndo hian a puang a, Serchhip biala ding turin Pathian a\angin kohna a hmu niin a sawi a, Zoramthar Pawl Executive Committee pawhin Serchhip biala a din chu an remtihpui tih sawiin, he bialah hian Lal Isua Krista tan bawm an hung dawn niin a sawi a, Pu Zaichhawna Hlawndo chuan he biala ding tura kohna a dawn chhan chu he biala politics-a indona chu Lalpan tihtawp a duh vang niin a sawi a, heng bakah hian Serchhip bial mipuite thlarau lama an ril\amna leh tuihalna Lalpa-in tihreh sak a duh niin a sawi bawk. He inthlannaa candidate-a din hun chuan a chhinchhiahna tur thlan chu zungbun niin a sawi bawk.
Serchhip bial hi tuna Chief Minister ni lai Pu Lal Thanhawla bial a ni a, he inthlanna neih turah hian ding nawn leh tura ngaih a ni a, hemi hmalam hian ZPM Chief Minister candidate, Pu Lalduhoma, PRISM President, Pu Vanlalruata leh MNF Candidate tur Pu C. Lalramzauva te an ding dawn tih an party hruaituten an lo puang tawh a ni.
