A lawmna inkhawm Zote South Community Hall-a neih hi an khaw VCP, Pu PL. Lalrinawma’n a kaihruai a, a hmanpuitu Chief Minister Adviser, Pu C. Lalramzauva chuan, sorkar flagship programme, SEDP hmanga hmalak turah fapa tlanbo anga pawisa inpe ringawt lovin, ruahmanna fel tak hnuaiah an hlawhtlinpui ngei tur thlir chunga kalpui tum a ni tih a sawi a, mipui sorkar din an tumna kawngah party inthliarna leh kalphung hlui chhawm an tum lo tih a sawi.
Chawhnu lam inkhawm chu bialtu MLA, MYC Chairman nibawk, Dr. Vanlal\anpuia’n a hmanpui a, Zote South khuain an duh ang ngeia Serchhip District-a behtir an ni chu a lawmpui thu leh a theihna ang anga Zote South kawtlang hmasawn nan theihtawp chhuah zel a tum thu a sawi a ni.
Puan tawh angin tun hnaia Mizoram sorkar Councils of Minister \hukhawm chuan tun hmaa Lunglei District-a awm \hin Zote South chu Serchhip District-a awm a remti a ni.
