Political Party pathum – ZPM, Congress leh MNF-in kumin atana an Party Pisa chu vawiin khan an khar hlawm a. Aizawl Treasury Square-a |angrual pawl, Zoram Peoples’ Movement General Headquarters Pisa kharna inkhawm chu chawhma dar 11 khan ZPM Steering Committee Chairman, Pu Lalliansawta kaihhruaiin an pawl Pisa-ah neih a ni a. Thusawitu MPC President, Pu Lalhmangaiha Sailo chuan, hmun hrang hranga kawngpui chhe nasa leh ei leh bara mipuite an intodelh lo chu sorkar chak lohna tilangtu lian ber niin a sawi. Ram dang a\anga Mizorama dan lova lo pem lut chungchanga Mizoram sorkar hma lakna chu a duh khawp loh thu leh, tun thlenga Bangladesh a\anga a ruka lo pem lut an awm reng chu thil \ha lo tak a nih thu sawiin, sorkar-in hma a lak vat lohva, hetiang zela an lo luh chuan tun a\anga rei loteah chim rala awm a hlauhthawn thu a sawi. Pu Lalhmangaiha Sailo chuan, nakkuma Assembly inthlanpui Mizoramin a hmachhawn turah tunge NLUP, NEDP leh SEDP sem tam thei ang tih ngaihtuah lova, Mizoram leh hnam himna thlen thei ang tih ngaihtuah chunga vote thlak \heuh turin mipuite a sawm a ni.
ZNP President, Lalduhoma pawhin, beidawnna-in Zoram mipuite a tuam mek nia sawiin, hei aia pawi zawk mah chu mi dang pawh lo sorkar mah se, eng ang ni chuang lovang tih rilru chu mipui thinlungah a lian hle a. Hei hi tute emaw thu dik lo vawrh darh mai mai a ni, a ti a, Mizoram hi a la chhe vek lova, chhan tlak a la awm a, Mizoramah beidawng ve lo mi \hahnem tak an awm a, chung mite chuan ZPM hmangin Zoram tlu chhe mek chu tung ding leh turin \an an lak mek niin a sawi. Mizoram chu Neutral emaw intih thlarau san hun emaw a nih tawh loh thu sawiin, ZNP President chuan, politics khela a taka an luh chilh duh kher lo a nih pawhin \ha an tih leh \ha lo an tih chu a taka tihlan ngam a hun tawh niin a sawi bawk.
ZPM Val Upa Council member, Bualhranga chuan, hmanlai a\anga Mizo khawtlang nun chu inkaihhruaina \ha tak hnuaia awm a nih avangin Kumpinu sorkar-in a awp lai pawhin kalphung tidanglam lovin a awp mai niin a sawi a. Khatiang khawtlang nun inkaihhruaina \ha tak kha Mizoramah din thar leh chu an thil tum a nih thu leh chumi atana thawk tura ZPM, Val Upa Council chu din a nih thu sawiin, inthlanna chuh lovin, sorkar kal sual tur vengtu atana din a nih thu a sawi. ZPM Pisa hi nakkum January ni 12-ah hawn leh a ni dawn a, vawiina a kharna inkhawmah hian ZPM General Secretary, Pu K.Sapdanga’n an pawl hnathawh hrang hrang a sawi a ni.
—————
MNF pawhin vawiin khan Mizo Hnam Run kharna inkhawm neih pahin Exodus Day an hmang a. An President, Pu Zoramthanga chuan, MNF chu Political Party \henkhat anga duhna lam hawi zawng zawnga kal thei an nih loh thu leh, Pathian leh kan ram tan titu, mi 3,000 bawr velin an martar hnan Party a nih avangin ram leh hnam hmasawnna atan bak ke an pen ve thei lo niin a sawi. MNF chu bul \anna ropui leh hlu tak a\anga din a ni a, thil mai mai leh thli chhiain a len kawi theih a ni ve lo
a, kawng chhuk chho zawh chang awm mah se, pen bosan thiang an ni ve lo a ti bawk. Pu Zoramthanga chuan, tunah hian Mizoram chu zu leh damdawiin chhiatna ramah a thlen a, \halai a ei chhia a, mipui an rum mek a, hemi siam \ha tur leh khai chhuak tur hian ngaihtuahna sen a ngai tih sawiin, an sorkar leh hunah chuan economy malsawmna hmangin Mizoram hi an khai chhuak dawn niin a sawi bawk.
MNF Treasurer, Pu Vanlalzawma MLA pawhin, nakkuma Hnam Run khar leh a nih hunah chuan sorkar thar an siam tawh dawn niin a sawi a. MNF chu Nationalist party a nih angin, Mizo awm chhung chu Mizo Nationalism pawh hi a nung reng tur a ni tih a sawi.
Vawiina Mizo Hnam Run kharna inkhawm hi MNF Vice President, Pu R.Tlanghmingthanga’n a kaihhruai a, MNF Adviser, Pu Rualchhina’n Exodus Day lo chhuah dan a sawi fiah a. Hnam Run hi nakkum January ni 15-ah hawn leh a ni ang.
