ZPM Thalai hian thuchhuah siamin, MNF sorkarah mirethei thleng phak lo inrelbawlna leh sum khawhralna a lang chho \an leh mek a ni, an ti a. Secretariat Administration Department-in tun thla ni 23-a Circular a tih chhuahah SAD a\anga hlawh la, Under Secretary leh a chunglamin Mobile phone, Laptop, Notebook, Tablet leh heng lam chi sorkar suma an leisakna tur tarlan a ni a, Secretary leh a chunglam tan Rs. 80,000 man aia to lo, Joint Secretary atanga Additional Secretary tan Rs. 60,000 man aia to lo leh, Under Secretary atanga Deputy Secretary tan Rs. 40,000 man aia to lo an lei phalsak a nih thu leh a leitute hi e-payment hmanga an bank account-ah an leina man pek a nih tur thu tarlan a ni an ti a. ZPM Thalai chuan Mizoram budget pharh takah Department tam takin hmasawnna hnathawhna tur sum an neih mang loh lai leh, hmun tam takah inkalpawhna kawng chhia siamtha tura sorkar beisei a nih mek lai te, inthlan dawna vote zawn nana Zoram mipui hriata cheng nuai thum sem tura an intiamnate tih hlawhtlin a nih hma leh Mizoram budget-a sorkar hnathawk hlawh leh inrelbawlna sang lutuk Mizoramin a buaipui mek laia sorkar hnathawk lian, hlawh tam tak late tana nuai za chuang senna belhna tur ruahmanna siam a ni chu mak an tih thu an sawi.
