ZPM hruaitute hi Group 7-ah in\henin an zinga Group 4 chuan Kolasib District-a khaw hrang hrang an fangkual a. A bak Group 3 dangte chuan Serchhip District an tlawh thung a ni. Kolasib District tlawhtute hian Lungdai, Serkhan, Zanlawn, Hortoki, Bilkhawthlir, Serkhan-Bagha road-a Nisapui leh Saiphai inkara khaw 8-te, Pangbalkawn, Meidum, Bairabi, Buhchang, Phaisen, Bukvannei, Saihapui leh Vairengte-te an tlawh a. Serchhip District tlawhtute pawhin khaw hrang hrang- Darlawng, Tlungvel, Phulmawi, Khumtung, Baktawng, Chhingchhip, Chhiahtlang, Serchhip, Bungtlang, Kei\um, Thenzawl, Kanghmun leh Buangpui-te an tlawh a. Heng an kalna khuaah hian ZPM Policy tuipuituten lo dawngsawngin, mipuite chu ZPM hmathlir leh Mizoram tana hmalak an tum dan an hrilhfiah nghal zel a ni.
ZPM hruaitute hian vawiin khan Kolasib, Serchhip leh Thenzawlah Press Conference neiin, an hmalak tum dan an puang a. Hetah hian ZPM hruaitute chuan, nikuma Assembly inthlanpuiah Mizoram mipuiten ZPM chu sorkar tir ngei an duh tih alang nin a lang a. Hetihrual hian ZPM chu bul\an tir mai a nih avang leh Recognised Party an la nih loh avangin an thlen chin chu tun dinhmun hi a ni rih a. An lakah beiseina leh rinna nghattu mi tam tak an awm avangin ZPM chu Zoram siam\ha tur leh sorkar kalphung thar din turin ala beidawng lova, 2023-a Assembly inthlanpui neih hunah sorkar siam ngei turin an inbuatsaih mek tih mipuite hriattir tura he fehchhuah runpui hi buatsaih an ni tih sawiin, ZPM-a beiseina leh rinna nghattute chu zam mai lova, an hmalakna \awiawm chhunzawm zel turin an ngen a ni.
