ZPM MLA te hian COVID 19 dona kawngah engtiangin nge sorkar leh Task Force-in hma an lak tih zirchiang tura kal an ni tih an sawi a, COVID 19 hri leng mek dona kawngah Zoram mipuite an \anrual em em laia party anga Political advantage lakna chi nia an ngaih loh thu an sawi a, a\ul a nih chuan Sorkar tha tichak tura theihtawp an chhuah tur thu an sawi.
ZPM MLA te hian ramri a Task Force Duty-te inpekna leh hnathawh chu fakawm an tih thu an sawi a, hri laka ramri venhim kawnga Task Force te tha tichak leh zual turin Sorkar chuan Police leh Medical Duty tam zawk dah thei se an duh thu te, Local Task Force- ten hripui laka mipuite venhim hna an thawh dan lungawithlaka an hriat thu te an sawi a. Bairabi-ah hian Buhfai phur tur mi 600 a\anga 700 chuang an awm reng avangin tunlai boruak nen Social Distance a awm thei lo niin a lang a, chuvangin mipui mamawh phurtu Driver te tan hian sorkar chu a ranglama ruahmanna \ha zawk siama tura an duh thu an sawi a ni.
Pu Vanlalhlana leh Pu Lalchhuanthanga hian COVID 19 do kawnga sorkar hmalakna hrang hrang leh duty post- te an tlawh a, Bairabi-a FCI Kudam-a buhfai dinhmun pawh an enfiah nghal a, tun dinhmunah buhfai stock a awm \ha thawkhat chu thlamuanthlak an tih thu an sawi. ZPM MLA te hian Inner Line Reserve chhunga Mosque sak mek pawh tlawhin, tun dnhmunah hna chawlhsan a nih thu an sawi a, Bairabi North leh South Local Task Force hnenah \anpuina Rs. 3000 ve ve an hlan a ni.
