Vawiina an Party Pisa hawnna inkhawmah Pu Liansawta chuan, pawl hrang hrang mi an nih avangin tunhma chuan inhrethiam takin an kal \hin a, hei hi hmasawn zelna atan thil \ha lo a nih theih avangin zawi zawia an tihtawp hret hret a ngai tih a sawi a, khauh zawka kal chhoh zel a nih tur thu leh hemi atan hian Disciplinary Action Committee pawh din tawh a nih thu a sawi.
Pu Liansawta chuan, ZPM chu pawl hrang hrang inzawmkhawm an nih avangin an mahni pawh an inhre chiang vek hman lova, heti chung hian kawng hrang hranga hma an laknaah hma an sawn ve zel a, inphumkhatna \ha zawk nei turin mahni pawl \heuh \hiata Party pakhata an inchhunfin hnuah ECI a\angin pawmpuina an dawng tawh a, tunah chuan Mizorama Political Party zinga a \angduang ber an ni ta niin a sawi. Pu Liansawta chuan, ZPM chu Political Party an nih angin an hmaa tir tur leh hmachhawp hlenchhuak turin ke an pen zel dawn tih a sawi a, hetihrual hian an hmalaknaah Pathian duh dan pela kal erawh an tih tur a ni lo tih an hriat a ngai a, an thil tihna engkimah Pathian rawn chunga an kal a, an chunga Lalpa a lawm a nih chuan Sorkar-na pawh a pe ngei ang tih chu a ngaihdan a nih thu a sawi.
ZPM-in kalphung thar a sawi \hin chu an la sorkar ve loh avangin mipui tan ngaihruat tur emaw hmehbel tur emaw awm rih lo mah se, an MLA-te House chhunga an chet dan leh MLA Fund an hman dan a\angin kalphung thar ruangam chu a hriat theih a ni a ti a, a bikin ZPM MLA-te Fund hman dan chu chhuanawm a tih thu sawiin, Pu Liansawta chuan, hei hian ZPM chu kalphung thar duhtu an ni tih a tilang chiang hle a ni, a ti. Sorkar laipuia BJP kaihhruai rorelna hnuaiah eng angin nge ro an rel dawn a, enge lo thleng dawn tih sawi lawk theih a nih loh avangin ngaihtuahna sen uluk a ngai hle a, mipuiten duhthlanna dik an thlan thiam a pawimawh hle tih a sawi.
